EIN CASGLIAD

Mae ein casgliad yn cynnwys cannoedd o eitemau yn ymwneud â’r rheilffordd a’r gymuned a gafodd eu cyfrannu neu’u rhoi ar fenthyg dros y blynyddoedd. Mae’r eitemau hyn yn tynnu sylw at bwysigrwydd y rheilffordd yn Borth a’r ardaloedd cyfagos, lle’r oedd y diwydiant pysgota a llongau, mwyngloddio plwm, amaethyddiaeth ac wrth gwrs twristiaeth yn chwarae rhan bwysig.

Y SWYDDFA DOCYNNAU

Mae’r hen swyddfa docynnau wedi cael ei hadnewyddu’n llwyr, tra’n cadw cynifer o’r nodweddion gwreiddiol â phosibl. Mae agoriad y swyddfa docynnau, y ddesg wreiddiol a’r lle tân wedi cael eu cadw a’u hadnewyddu. Yr eitemau hyn yw’r cefndir ar gyfer arddangos llawer o’n harteffactau a’n harddangosfeydd dros dro.

YR YSTAFELL AROS

Mae’r hen ystafell aros bellach yn gartref i’n harddangosfeydd rhyngweithiol gan gynnwys model rheilffordd, cwpwrdd arddangos yn llawn hen wrthrychau sy’n gysylltiedig â’r rheilffordd, a fideo a gynhyrchwyd yn arbennig am yr ardal leol a’r orsaf ei hun. Mae wedi cymryd misoedd i greu’r casgliad ac mae’n cael ei ddiweddaru’n rheolaidd wrth i eitemau newydd ddod i’r golwg a/neu gael eu cyfrannu i’w harddangos.

SWYDDFA’R GORSAFFEISTR

Dyma lle gallwch ddod o hyd i dîm Gwirfoddolwyr Gorsaf Borth sy’n barod i ateb unrhyw gwestiynau sydd gennych, neu eich arwain ar daith o amgylch yr amgueddfa. Gallwch brynu cofroddion amgueddfa Borth yma, ac mae’r holl elw yn mynd i gynnal a chadw’r amgueddfa. Hefyd, mae gennym droli o lyfrau ar werth. Ar hyn o bryd gallwn dderbyn taliadau arian parod yn unig.

Mewn gwirionedd, ni waeth ble rydych chi'n edrych yn yr amgueddfa, fe welwch chi rywbeth o ddiddordeb, boed eich bod chi'n frwdfrydig iawn, neu'n aros am y trên nesaf. Edrychwn ymlaen at eich croesawu i'r amgueddfa a gobeithio y byddwch chi'n mwynhau eich ymweliad â'r ardal...